"Без бер зур гаилә" - гаилә, мәхәббәт һәм тугрылык көненә багышланган кичә
Сүлә авыл клубында Гаилә елы кысаларында һәм Гаилә, мәхәббәт һәм тугрылык көненә бер сулышта "Без бер зур гаилә" рухи чарасы узды.Кичәне мәчет имамы Азат Нигъмәтҗанов ачты. Ул гаилә турында Коръәннән хәдисләр сөйләде.Тәм-томнар салынган хуш исле кайнар чәй артында кунакларга карата ихлас күңелдән әйтелгән сүзләр, изге теләкләр, гади гаилә кыйммәтләре турында эчкерсез шигырь юллары яңгырады. Кичәгә килгән, өй эшләрен вакытлыча калдырган авыл кешеләренең йөзләрендә елмаю балкый, бу исә аларның кәефләре яхшы икәнен күрсәтә иде. Чәй эчкәндә кунаклар, әлбәттә, бәхетле гаилә тормышының серләре белән уртаклаштылар, «хөрмәт», «аңлау», «ярдәм итү», «кичерү», «ярдәм», «таяныч» һәм башка синонимнар белән баеттылар, ә болар барысы да – нык гаилә сүзләре.Шулай ук кызыклы конкурслар һәм уеннар үткәрелде.