Муниципаль районнар Саба муниципаль районы

"Бергә булу-нинди бәхет!"

2024 елның 2 августы, җомга

«Гаилә елы» кысаларында Өтернәс авыл клубы хезмәткәрләре табигатьтә "Бергә булу – нинди бәхет!" исемле гаилә , мәхәббәт һәм тугрылык көненә багышланган күңелле чара уздырдылар. Күңелле ритмнар астында, командаларга бүлешеп, катнашучылар төрле уеннарда дәртләнеп уйнадылар һәм төрле ярышларда рәхәтләнеп катнаштылар. Ахырда чәй эчү булды, анда дусларча әңгәмә вакытында очрашуда катнашучылар бәхетле гаилә тормышының серләре белән уртаклаштылар. Чара дискотека белән дәвам итте. Бәйрәм матур һәм күңелле шартларда узды.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

ноябрь, 2024 ел

Мишә авыл җирлеге, Лесхоз бистәсендәге «Нургали» мэчетендэ укулар башланып китте.

«Мондадыр безнен бабайлар»

Явлаштау, Иләбәр авыл китапханәләре хезмәткәрләре Явлаштау урта мәктәбе укучылары белән бергә Калатау тауларына танып-белү сәфәре оештырдылар. Байлар Сабасыннан унике чакрым төньякта, Мишә елгасы буендагы тауны җирле халык Калатау дип атый. Тарихи яктан ул Өтернәс шәһәрлеге буларак билгеле. Казан ханлыгының соңгы елларында кирмән-шәһәрлек татарның үзәге – башкаласы булган. Өчпочмак формасына якын итеп өелгән ташларга язма беркетелгән: «1552 елда Ватан азатлыгы өчен шәһит киткәннәр истәлегенә». Бу истәлек билгесе янында китапханәчеләр «Мондадыр безнең бабайлар» исемле әңгәмә уздырды. Чарада катнашучылар шәһәрлекнең тарихы турында күбрәк белә алдылар һәм барлык сорауларына җаваплар алдылар.

Лесхоз урта мәктәбе укучылары ата-аналары белән бергәләп «Тату сыйныф серләре» конкурсының зона этабында катнаштылар.

Китап күргәзмәсе

26 ноябрь көнне Шәмәрдән авыл китапханәсенең уку залында Шәриф Хөсәеновның тууына 95 ел тулуга багышланган китап күргәзмәсе оештырылды. Татарстан, Башкортстан, Дагыстан, Үзбәкстан театр сәхнәләрендә куелган «Әни килде», «Профессор кияве», «Зөбәйдә – кеше баласы» пьесалары авторы. Шәриф Хөсәенов үзенең әсәрләрендә әхлакый-этик темаларны күтәрә, бу һәрвакыт аеруча актуаль була.

ЯҢАЛЫКЛАРГА ЯЗЫЛУ