Гаилә җылысы
Яшьләр сәясәте учрежденияләре арасында,Татарстан Республикасы яшьләр эшләре министрлыгының грантлар конкурсында "Гаилә җылысы" проекты белән "Яшьлек" яшьләр үзәге 960000 сумлык грант откан иде.
Әлеге проект кысаларында быел 4 зур чара үтәчәк.
17 нче май көнне, "Сабантуй" спорт һәм ял итү комлексында , районыбызның яшь гаиләләре өчен зур бәйрәм чарасы үтте.
Әлеге чарада, Саба муниципаль районы Башкарма комитеты җитәкчесе урынбасары, башкарма комитетның аппарат җитәкчесе Каримов Марат Рәшит улы; Саба районы яшьләр эшләре буенча һәм спорт бүлеге җитәкчесе Гарипов Ирек Рамазан улы; Саба районы гражданнар хәле актларын теркәү бүлеге җитәкчесе Шафикова Гульнар Илдар кызы; "Татарстан хатын-кызлары" иҗтимагый оешмасының Саба бүлеге җитәкчесе Галимуллина Ильмира Илфир кызы; районның "Әтиләр киңәшмәсе" иҗтимагый оешмасы рәисе Закиров Фәнис Фәрит улы; Казан шәһәренең "Ышаныч" балаларга һәм яшьләргә психологик-педагогик ярдәм күрсәтү үзәге психологы Малецкова Людмила Николаевна; "Яшьлек" яшьләр үзәгенең директор вазыйфасын башкаручы Гомәрова Алисә Мәгфүр кызы катнаштылар.
Проект кысаларында яшь гаиләләр өчен бәби төрү, токмач кисү осталыгы буенча бәйгеләр , агачтан эскәмия ясау, роллар ясау буенча мастер- класслар һәм яшь әти- әниләр өчен психологик трининг үткәрелде.
Татарстан Республикасы яшьләр министрлыгы ярдәме белән үткәрелгән әлеге проектның мәгълүмати спонсорлары "Саба дулкыннары" телерадиокомпаниясе һәм "Саба таңнары" газетасы редакциясе.