15 май - Халыкара гаилә көне
Халыкара гаилә көне уңаеннан Сабаның 6 нчы номерлы "Балачак" балалар бакчасының барлык төркемнәрендә "Бәхет серләре" чаралары узды. Тәрбиячеләр, балалар һәм аларның әти-әниләренең уртак тырышлыгы белән « Әти, әни һәм мин» дип аталган гаилә стена газетасы булдырылды. Анда балаларның гаилә фотолары урнаштырылды. Балалар үз куллары белән әти-әниләре өчен открыткалар ясадылар. Зурлар төркемендә “Без бер елга үстек" дигән темага ата-аналар җыелышы узды. Җыелышның максаты: белем бирү эшчәнлегенә йомгак ясау. Ата - аналар шатланып ата-аналар җыелышына киләләр, чөнки алар өчен кызыклы чаралар үткәрелә. Менә бу юлы да балалар “Ут белән шаярма!" исемле экологик театральләштерелгән тамаша күрсәттеләр.
Ата-аналар җыелышы җылы һәм ышанычлы атмосферада, ачык диалог формасында узды, аның барышында ата-аналар кызыксындырган сораулар буенча тулы мәгълүмат алдылар.
Педагоглар балалар бакчасы тормышында актив катнашкан ата-аналарга рәхмәт сүзләрен җиткерделәр.