Муниципаль районнар Саба муниципаль районы

"Яшь әниләр "клубында очрашу.

2024 елның 5 апреле, җомга

2024 елның 4 апрелендә, "Яшьлек" яшьләр үзәге каршында эшләп килүче “Яшь әниләр” клубы активистларының, Россия Президенты Владимир Путин тарафыннан игълан ителгән Гаилә елына багышланган тематик очрашуы булып узды.

Очрашу "Булачак әниләргә 5 киңәш" видеоролигын караудан башланды. Аннан соң, клубка йөрүчеләр белән әлеге темага фикер алышу һәм сабыйларны биләү буенча мастер-класс узды. Гаиләләрне яклау, традицион гаилә кыйммәтләрен саклау буенча һәркем үзенең фикерен җиткерде.

Шәмәрдән авылында яшәүче, 3 бала анасы Әдгамова Гүзәл, мастер-класс күрсәтеп, очрашуда катнашучыларга бала биләү буенча тәҗрибә тупларга, теоретик белемнәрен ныгытырга ярдәм итте.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

ноябрь, 2024 ел

“Югары Утар психик тайпылышлары булган гражданнар өчен балалар интернат-йорты” дәүләт казна учреждениясендә “Аулак өй” театраль тамашасы

6 ноябрьдә Татарстан Республикасында Конституция көне билгеләнеп үтелә. Бу уңайдан, Югары Утар балалар интернат йортында "Аулак өй" дип исемләнгән заманчалаштырылган театраль тамаша үткәрелде.

«Балалар журналлары битләре буйлап»

5 ноябрь көнне Ике басу Арташ авыл китапханәсенең мөдире «балалар журналлары битләре буйлап»дигән вакытлы матбугат сәгате үткәрде. Китапханәче яшь укучыларны китапханәдәге журналларның төрлелеге белән таныштырды. Балалар өчен «Салават күпере», «Непоседа», «Саша и Маша», «Ежик»журналлары тәкъдим ителде.Алардан балаларга төрле табышмаклар, тиз сөйләшүләр, ребуслар тәкъдим ителде.Чара ахырында барлык балалар алган белемнәреннән канәгать булдылар һәм журналлар укуның кызыклы һәм кирәкле булуы белән килештеләр!

"Бердәмлектә көч!"

Явлаштау авыл китапханәсе һәм мәдәният йорты хезмәткәрләре Халыклар бердәмлеге көненә багышланган "Бердәмлектә көч!" дип аталган интерактив уен үткәрделәр. Чара барышында балалар халыклар арасында дуслыкны, хезмәттәшлекне һәм бердәмлекне ныгытуга юнәлдерелгән төрле уеннарда һәм конкурсларда бик теләп катнаштылар. Балалар илебезнең гореф-гадәтләре, мәдәнияте турында белемнәрен ныгыттылар. Бу чарадан балалар күп уңай эмоцияләр генә алып калмадылар, ә берләшү һәм хезмәттәшлекнең мөһимлеген дә аңладылар

Татарстан Республикасы Конституция көне

6 ноябрь Татарстан Республикасы Конституция көне! Бу бәйрәм безнең бәйсезлегебезне, хокукларыбызны һәм ирегебезне, шулай ук халкыбызның бердәмлеген һәм күптөрлелеген символлаштыра. Бүген безнең китапханәгә Саба гимназиясенең 7 «а» сыйныфы укучылары килде. Татарстан Республикасы Конституциясе көне уңаеннан алар өчен китап күргәзмәсе һәм китапханә буйлап экскурсия оештырылды, кунаклар укучыларыбыз өчен яңа мөмкинлекләр, яшьләр өчен яңа китаплар һәм мастер – класслар белән таныштылар.

ЯҢАЛЫКЛАРГА ЯЗЫЛУ