"ГТОның алтын билгесе" квест-уены

2024 елның 4 апреле, пәнҗешәмбе

Бүген, 4 апрель көнне, МБГУ шәһәр тибындагы Байлар Сабасы бистәсе гимназиясенең 5 сыйныф укучылары "ГТОның алтын билгесе" квест-уенында катнаштылар. Укучылар ГТО темасына викторина сорауларына җавап бирделәр, ГТО нормативларын тапшырдылар һәм физик көчләрен сынадылар. Нормативларны тапшыру алдыннан укучылар белән флешмоб, коллектив бию үткәрелде. Бу класс үзен бик актив, белемле, спортчан һәм дус итеп күрсәтте.

Нәтиҗә ясаганда иң актив укучыларга истәлекле бүләкләр һәм тәм-томнар тапшырылды. ГТО тест үзәге гимназиянең физик культура укытучысы Илнар Шамилевичка балаларны әзерләгәне, ГТО нормативларын кабул итүдә ярдәм иткәне һәм судьялык эшендә турыдан-туры катнашканы өчен рәхмәтебезне белдерәбез!