Балалар бакчасында көннәр бик кызыклы үтә

2024 елның 22 марты, җомга

Көн саен МБМБУ 3 номерлы Саба “Шоколад” балалар бакчасында безнең балалар милли һәм хәрәкәтчән уеннар уйныйлар, дуслар белән аралашалар, спорт белән шөгыльләнәләр, иҗат итәләр. Безнең эш көннәре бик күңелле һәм нәтиҗәле уза. Балаларның ямансулыкка бирелергә бөтенләй вакытлары юк.  Балалар лего конструкторлар, лото, мозаикалар белән уйнарга бик яраталар, тәрбиячеләр белән китаплар укыйлар һәм рәсем карыйлар, сюжетлы-рольле уеннар уйныйлар, театральләштерелгән тамашалар күрсәтергә яраталар. Төркемнәрдә балаларга уңайлы, чөнки аларның индивидуаль үзенчәлекләрен үстерү өчен барлык шартлар да тудырылган.