Балачактан йөзү!

2024 елның 22 марты, җомга

Безнең районда балачактан ук йөзәргә өйрәнсен өчен барлык шартлар да тудырылган. Район администрациясе карары буенча мәктәпкәчә учреждениеләрнең өлкән төркемнәре балалары түләүсез нигездә йөзү бассейнында шөгыльләнәләр. Тренерлар җитәкчелегендә балалар йөзү нигезләрен үзләштерәләр. Мәктәпкәчә яшьтәге балалар дәресләргә бик теләп йөриләр һәм алга таба спорт-сәламәтләндерү төркемнәрендә йөзү белән шөгыльләнүләрен дәвам итәләр. Зур спортка юл бассейнның кечкенә касәсендә башлана.