Муниципаль районнар Саба муниципаль районы

8 Март бәйрәме алдыннан “Яшьлек” яшьләр үзәге гүзәл Хатын-кызларыбыз өчен мастер-класс оештырды.

2024 елның 7 марты, пәнҗешәмбе

8 Март бәйрәме алдыннан “Яшьлек” яшьләр үзәге гүзәл Хатын-кызларыбыз өчен мастер-класс оештырды. Бүген алар, вакытны үзләренә багышлап, матурлык дөньясына чума алдылар.

Мастер - класс, кулларны тәрбияләү темасына багышланган иде. Матурлык буенча консультант Миләүшә ханым кулларны сакларга һәм тәрбияләү буенча үзенең киңәшләрен бирде.

Биредә җылылык һәм матурлык хөкем сөрде. Хатын-кызларыбыз үзләре өчен яңалык ачып, бер-берсе белән тәҗрибәләрен уртаклаштылар.

Алар бертавыштан мондый чараларда ешрак катнашырга теләүләрен белдерделәр. Мастер-класс аларга файда гына түгел, көндәлек мәшәкатьләрдән арыну, аралашудан ләззәт алу һәм уңай хис-кичерешләр алу мөмкинлеге дә бирде.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

ноябрь, 2024 ел

«Югары Утар психик тайпылышлары булган гражданнар өчен балалар интернат-йорты” дәүләт казна учреждениясендә Әниләр көненә багышланган бәйрәм концерты

Россиядә ел саен үткәрелә торган бәйрәм - Әниләр көне 1998 елдан бирле ноябрьнең соңгы якшәмбесендә билгеләп үтелә. Тәрбия эшенең төп максатларыннан берсе - әниләргә хөрмәт һәм мәхәббәт хисе тәрбияләү.

ноябрь, 2024 ел

Махсус хәрби операциядә катнашучыларның гаиләләре “Тургай” приютында кунакта.

Безнең приютта махсус хәрби операциядә катнашучыларның гаиләләре белән очрашу атналыгы уза.Шул уңайдан 21 ноябрьдә безнең "Тургай" приютында махсус хәрби операциядә катнашучы Шакировлар гаиләсе катнашында " Махсус хәрби операциядә катнашучылар-безнең заман геройлары" исемле уен - викторина узды. Чараның беренче өлеше уен-викторина кебек узды, анда балалар һәм кунаклар сорауларга җавап бирделәр. Ә икенче өлештә сүзне кунакларга бирдек. Туганнары сөйләгәннәрдән балалар Ватаныбызны саклаучыларның,без заман геройлары дип атаган кешеләрнең, батырлыклары турында белделәр. Чара барышында авылдашларыбыз - Украинадагы махсус хәрби операциядә катнашучылары турында презентация күрсәтелде. Чара азагында балалар шигырьләр укыдылар һәм солдат туганнарына үз куллары белән ясаган бүләкләр бүләк иттеләр.

Саба районы "Иң күп татарча китап укучы район"

22 ноябрь көнне Идел буе физик культура һәм спорт академиясендә “Әдәби марафон” ХХVI - XXIX Дөньякүләм китап укучылар бәйгесе җиңүчеләре бүләкләнде. Бөтен дөньядагы китап сөючеләрне берләштергән, аларга яраткан язучылары белән аралашу мөмкинлеге тудырган әлеге очрашу зур бәйрәмгә әйләнде. 2019 нчы елдан бирле беренчелекне бирмәгән Саба районы инде егерме бишенче тапкыр җиңүче дип табылды. "Иң күп татарча китап укучы район" исемен алды һәм кубок белән бүләкләнде. Саба үзәкләштерелгән китапханәләр системасы директоры Билалова Ләйсән Рәкыйп кызы "Әдәби әйдаман 2024" исеменә лаек булды, ТР Мәгариф һәм фән, мәдәният министрлыкларының Рәхмәт хатлары белән бүләкләнде.

Татарстан Республикасы территориясендә метеорологик күренешнең интенсивлыгын кисәтү турында консультация

Хөрмәтле гражданнар! «Татарстан Республикасы Гидрометеорология һәм әйләнә-тирә мохитне мониторинглау идарәсе " фдбудан: Метеорологик күренешнең интенсивлыгын кисәтү турында консультация. Көн ахырына кадәр сакланып, 23 ноябрь кичендә Татарстан Республикасы территориясендә урыны белән томан көтелә.

ЯҢАЛЫКЛАРГА ЯЗЫЛУ