Ленинград блокадасы турында 80 факт

2024 елның 20 феврале, сишәмбе

16 нчы февраль көнне, хәрби-патриотик айлык уңаеннан, Сәләтле балалар мәктәбенең 7 нче сыйныф укучылары «Россия - минем тарихым» дип исемләнгән Казан тарихи паркына Ленинградны фашист блокадасыннан азат итүнең 80 еллыгына багышланган «Ленинград блокадасы турында 80 факт» күргәзмәсе карарга бардылар. Күргәзмә үз эченә күп мәгълүмат сыйдырган. Экскурсия барышында укучылар экскурсоводның сорауларына төгәл  җавап биреп,  үзләренең белемнәрен күрсәттеләр, шулай ук күп тарихи фактларга тукталдылар, кызыксындылар. Әлеге чара өчен мәктәп дирекциясенә зур рәхмәт җиткерәбез.