“Кыш Бабай кубогына” спортинг-компакт буенча ачык турнир
2023 нче елның 24 декабрь көнендә Мари иле республикасы Песчаный бистәсенең “Ату” үзәгендә “Кыш Бабай кубогына” спортинг-компакт буенча ярышлар булып узды. Әлеге ярышта “Сабантуй” спорт мәктәбенә йөрүче балалар һәм аларның тренерлары Алексеев Ю.В. да катнашты. Ярышлар барлыгы дүрт категориядә узды:
“А” категориясе – “КМС” һәм аннан югарырак категорияләре булган спортчылар;
“В” категориясе – разрядлы спортчылар;
“С” категориясе – разрядлары булмаган спортчылар;
“Хатын-кызлар”категориясе.
“Хатын-кызлар” категориясендә “Сабантуй” спорт мәктәбе спортчысы Гарипова Алия беренче урынны яулады.
“С” категориясендә яшь спортчыбыз Абдуллин Сәрим икенче урынга лаек булды.
Спортчыларыбызны җиңүләре белән котлыйбыз һәм алга таба да зур уңышлар теләп калабыз.