Өлкәннәрне хөрмәтләп

2023 елның 30 сентябре, шимбә

    Халыкара өлкәннәр көне уңаеннан “Игенче” хуҗалыгы җәмгыятендә эшләп,  хәзерге көндә лаеклы ялда булган  265  ветеранга  азык-төлек тутырылган пакет өләшенде.Күчтәнәчләр тупламасына көндәлек  кирәкле ризыклар : чәй,көнбагыш мае, ике төрле токмач, дөге, карабодай,солы ярмалары,җимеш, татлы пироглар кергән. 

     Ел саен кабатлана торган әлеге   матур гамәл бик күпләргә сөенечле мизгелләр бүләк итте,күчтәнәчләргә  һәркем рәхмәтле булып калды.