Муниципаль районнар Саба муниципаль районы

Татарстанда 17 мең күп балалы ана пенсияне пенсия яшенә җиткәнче ала

2023 елның 29 сентябре, җомга

Күп бала тәрбияләүче аналар пенсиягә вакытыннан алда чыгарга мөмкин. Әлеге контекстта сүз биш һәм аннан да күбрәк баласы булган хатын-кызлар турында бара. Алар пенсиягә 50 яшендә чыгарга хокуклы. Шул ук вакытта дүрт һәм өч бала үстерүче аналар элеге хокуктан 56 һәм 57 яшьтә файдалана ала. Бүген Татарстанда 17 меңгә якын хатын-кыз иминият пенсиясен вакытыннан алда ала.

Күп балалы аналарга вакытыннан алда пенсия билгеләү өчен түбәндәге таләпләр үтәлергә тиеш : 15 ел хезмәт стажы булу, 23,4 пенсия коэффициенты туплау, балаларны 8 яшькә җиткәнче тәрбияләү һәм ата-ана хокукларыннан мәхрүм итү йә уллыкка алуны юкка чыгару факты булмау.

Татарстанлылар аша хезмәт стажы һәм пенсия коэффициентларының санын sfr.gov.ru сайтындагы шәхси кабинетларында яки дәүләт хезмәтләре порталында ачыклый алалар

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2024 ел

“Игенче” ҖЧҖ е ел дәвамында Казан шәһәренең агросәнәгать паркында узучы авыл хуҗалыгы ярминкәләрендә даими катнашып килә

Бу чара бик матур традициягә әйләнде инде.Сату урыннарын матурлап бизәп , кайнар коймак һәм чәй белән сыйлап , барсының да күңелләрен күрергә тырыштык. Без сату иткән урынга халык аеруча күп килә, чөнки махсус ясалган зур самавырдан чәй, пичтә пешереп биргән коймак бигрәктә тәмле була. Алар тарафыннан әйтелгән, ишеткән рәхмәт сүзләре, киләчәктә тагын да илхамландырып эшләргә ярдәм итә.

Лесхоз интернат-йортында Яңа ел!

29 декабрь көнне Лесхоз картлар һәм инвалидлар өчен интернат-йортында Яңа ел әкияти тамашасы булып узды. Яңа ел бәйрәме алдыннан тамашаның куелышы матур традициягә әйләнде, шуңа күрә биредә яшәүчеләр дә, учреждение хезмәткәрләре дә әлеге чараны түземсезлек белән көттеләр. Тамашачылар һәм катнашучылар-интернат-йортта яшәүчеләр. Театральләштерелгән тамашада барлык рольләрне дә актер-һәвәскәрләр уйнады, бу артистлар үзебезнең хезмәткәрләр һәм яшәүче әби-бабайлар.. Ә сценарий һәр репетициягә тулыланды, чөнки һәр актер үз ролен якты һәм онытылмаслык итәргә теләгән иде. Соңыннан Яңа ел лотереясы үткәрелде.

80/20 программасы буенча йорт файдалануга тапшырылды

Алан-Елга авылында 80/20 программасы буенча төзелгән йорт файдалануга тапшырылды, төзүче оешма “Мелиорация-Сервис” ҖЧҖ.

Бадминтон өметләренен йомгаклау туры

2024 елның 27 декабрендә Казан шәһәренең Бадминтон үзәгендә бадминтон өметләренен йомгаклау туры узды. Ярышларга республикабызның иң көчле 24 спортчысы (2012-2013елгы) җыелды. Безнең спорт мәктәбен Идрисов Нияз, Рәхимов Адель - 3нче урныга ия булдылар. Шулай ук Әхмәтшина Камилә Захарова Виктория белән Буадан һәм Гобәйдуллин Ралина белән Казаннан Шаһимаева Мәдинә белән парда бронза медальләр яулады. 4 этап нәтиҗәләре буенча Гобәйдуллина Ралина парлы категориядә бронза медаль алды. Ялгыз разрядта Гобәйдуллина Ралина, Идрисов Нияз Татарстан Республикасының 8 иң көчле спортчысы санына керде. 2024 елгы сезон нәтиҗәләре буенча яшь спортчылар дипломнар һәм спорт инвентарьлары сатып алуга сертификатлар белән бүләкләнде. Барлык катнашучыларны, тренерларны, ата-аналарны балаларыбызның уңышлы чыгыш ясавы белән котлыйбыз һәм сәламәтлек, алга таба уңышлар телибез!

ЯҢАЛЫКЛАРГА ЯЗЫЛУ