Саба муниципаль районының «Олимп» балалар һәм яшүсмерләр спорт мәктәбендә тәрбияләнүчеләр бик яхшы әзерлек күрсәттеләр һәм призлы урыннар алдылар

2023 елның 15 сентябре, җомга

2023 елның 7сеннән 10 сентябренә кадәр Яр Чаллы шәһәрендә картинг буенча гомумкоманда зачетында ТР беренчелеге, ТР Чемпионаты, ТР Кубогы, “Камаз-мастер” кубогы узды. Саба муниципаль районының «Олимп» балалар һәм яшүсмерләр спорт мәктәбендә тәрбияләнүчеләр бик яхшы әзерлек күрсәттеләр һәм призлы урыннар яуладылар. “125-А” классында Йосыпҗанов Рәмзил 1 урын яулады, Гәрәев Артур 2 урын, “Стриж” классында Насыйбуллин Данис 2 урын яулады. Камаз-мастер кубогында “KZ-2” классында Галимов Илнар 1 урын яулады, Даминов Динар 2 урын, “Пилот” классында Насыйбуллин Данис 3 урын яулады. Молодцы!👏👍

Балаларны һәм аларның тренерлары Насыйбуллин Илгиз Тәлгать улы һәм Исрафилов Рафил Гаптрәшит улын котлыйбыз. Сәламәтлек, уңышлар һәм тыныч күк йөзе телибез!