«Милли җанлы әдип”
1 июнь көнне Саба район китапханәсендә “Өлкәннәр” клубы өчен язучы, шагыйрь, публицист, журналист Флүс Латыйфинең тууына 80 ел тулу уңаеннан, “Милли җанлы әдип ” – әдәби сәгать үткәрелде. Флюс Латыйфи 1943 елның 3 июнендә Мөслим районында Мөслим авылында туа. Аның иҗат җимешләре "Кырагай", "Ак-карага тимәскә", "Уяну", "Әманәт", "Вөҗданыңнан сора" исемле h.б. җыентыкларында дөнья күрделәр. Әмма Флүс Латыйфиның татар әдәбияты тарихына кереп калган әсәре – 1993 елда аерым китап булып басылып чыккан "Хыянәт" романы иде. Татар милләтенең иң фаҗигале чорына багышланган бу әсәр сүрәтләнгән вакыйгаларның масштаблылыгы, геройларның монументальлеге, эчтәлегенең тирәнлеге белән аеырылып тора. Әдипнең соңгы елларда иҗат ителгән "Ишелеп төшкән бәхет", "Бәйсез этләрне атарга" романнары да укучылар тарафыннан бик җылы кабул ителде.