“Йөрәктән йөрәккә” хәйрия концерты

2023 елның 28 марты, сишәмбе

   2023 елның 27 мартында Саба урта гомумбелем бирү мәктәбенең 5 А сыйныф укучылары «Югары Утар балалар интернат-йортында» «Йөрәктән йөрәккә» дип аталучы хәйрия концерты оештырдылар. Укучылар көче белән һәм аларның сыйныф җитәкчесе Юсупова Ләйсән Фаяз кызы әзерләгән концертта җырлар, дәртле биюләр яңгырады. Программага шулай ук интернатта тәрбияләнүчеләр  өчен уеннар да кертелгән иде. Ә бүләкләр хәйрия ярминкәсендә җыелган акчага алынды. Безнең программа ятим балаларга шатлык китергән һәм аларның тормышларын бераз булса да бизәгәндер дип өметләнәбез.