"Табигать ярдәм сорый". экологик сәгать
Олы Арташ китап бирү пунктында Ике басу Арташ авыл китапханәсе мөдире, Олы Арташ авыл клубы мөдире белән берлектә, яшьләр өчен "Табигать ярдәм сорый" дигән экологик сәгать һәм "Мин китап белән табигать дөньясын ачам"дигән китап күргәзмәсенә күзәтү үткәрделәр. Кешенең табигатьтәге тәртибе аның җанының көзгесе диләр. Таулар һәм океаннар, диңгезләр һәм елгалар, чиксез уңдырышлы далалар, урманнар, бихисап күп һәм төрле үләннәр, чәчәк аткан болыннар, болар барысы да үзләренә карата хөрмәт таләп итәләр. Китапханәче юкка чыккан хайваннар һәм үсемлекләр, урманның кеше тормышындагы роле һәм дөньядагы кешеләр гаебе белән барлыкка килгән экологик проблемалары турында сөйләде. Яшьләр табигатьне саклау кагыйдәләрен төзүдә, "Табигать һәм кеше"дидактик уенында актив катнаштылар, сорауларга җаваплар бирделәр.