Саба муниципаль районында «Балкыш» халыкка социаль хезмәт күрсәтү комплекслы үзәге эшчәнлегенең 2022 нче елның I яртыеллыгы нәтиҗәләре буенча җыелыш
20 июль көнне Саба муниципаль районында «Балкыш» халыкка социаль хезмәт күрсәтү комплекслы үзәге бинасында район башкарма комитеты җитәкчесе урынбасары - Саба муниципаль районы башкарма комитеты Аппараты җитәкчесе Кәримов Марат Рәшит улы һәм социаль яклау бүлеге җитәкчесе Гайнетдинова Лилия Нургаян кызы катнашында учреждение хезмәткәрләре киңәшмәсе булып узды.
Киңәшмәдә 2022 нче елның I яртыеллыгында Саба муниципаль районында «Балкыш» халыкка социаль хезмәт күрсәтү үзәге директоры һәм бүлек белгечләре эшчәнлеге нәтиҗәләре буенча хисаплар тыңланылды. Киңәшмә барышында социаль контракт буенча, 65 яшьтән өлкәнрәк затларны медицина учреждениеләренә китерү, озак сроклы карау системасы буенча мәсьәләләр каралды, актуаль эш мәсьәләләре каралды.
Киңәшмәгә йомгак ясап, хезмәткәрләр алдына эшне башкару һәм уңай нәтиҗәләргә ирешү өчен бурычлар куелды.