Яңа йортка – яңа өметләр белән!

2022 елның 18 июле, дүшәмбе

Быелгы җәй Татарстан Республикасының Саба районы Көек авылында туып үскән,  Дәминова Фәнәҗәт Гарип кызы өчен шатлыклы вакыйга белән башланып китте. Район хакимияте, авыл җирлеге башлыгы, социаль хезмәткәр ярдәме белән аңа яңа йорт ачкычлары тапшырылды.

Дәминова Фәнәҗәт 2009 елдан алып "Балкыш" социаль хезмәт күрсәтү үзәгендә исәптә тора. Әлегә кадәр ул яшәү өчен мөмкинлеге булмаган иске генә агач йортта яшәде. Социаль хезмәткәргә даими рәвештә мич ягарга, чишмәдән су алып кайтырга кирәк иде. Авыл җирлеге башлыгы үтенече, социаль хезмәткәр Саматова Фәния Корбангали кызының актив ярдәме белән Фәнәҗәт апаның тормыш шартлары яхшыртылды һәм төп тормыш ихтыяҗларын мөстәкыйль рәвештә тәэмин итү мөмкинлекләре киңәйтелде.

Бүгенге көндә Дәминова Фәнәҗәт торак шартларын яхшыртуда ярдәм итүчеләргә бик рәхмәтле.