Динем – ислам, милләтем – татар

2022 елның 2 мае, дүшәмбе

2022 елда  Идел буе Болгар дәүләтендә ислам дине кабул ителүгә 1100 ел тула. Әлеге уңайдан Иләбәр авыл китапханәсе һәм клуб хезмәткәрләре, «Ак калфак» клуб берләшмәсе әгъзалары белән,  «Динем – ислам, милләтем – татар» дигән исем астында әхлак кичәсе уздырдылар. Катнашучыларга дин тарихына багышланган китаплардан тематик күргәзмә тәкъдим ителде. Китапханәче ислам дине кабул ителү тарихы белән таныштырды. Авылның абыстае коръән сүрәләре укып, вәгазь сөйләде.