Безнең спортчылар-фигуралы шуу буенча Махсус Олимпиада җиңүчеләре

17 нче октябрь көнне «Югары Утар психик тайпылышлары булган гражданнар өчен балалар интернат йорты» дәүләт казна учреждениесе территориясендә агачлар утыртылды.

Тимершык мәдәният йортында китапханә белән берлектә бөтендөнья икмәк көненә багышланган "Икмәк - табын күрке" танып-белү программасы оештырылды. Чара барышында чәй эчеп утыручылар икмәкнең барлыкка килү тарихы, ипи белән бәйле йолалар һәм ышанулар белән таныштылар. Шулай ук икмәккә багышланган интеллектуаль биремнәр һәм конкурслар тәкъдим ителде! Чыннан да, икмәк - дөньяда иң кирәкле продуктларның берсе, аннан башка, мөгаен, безнең тормышыбызның бер генә көне дә үтми торгандыр. Гомер-гомергә икмәк тормыш, иминлек һәм муллык символы булган. Нәкъ менә икмәккә безнең өстәлдә иң әһәмиятле һәм хөрмәтле урын бирелгән. Чара азагында катнашучылар тәмле икмәктән авыз иттеләр.

14 октябрь көнне Тимершык авыл китапханәсендә атказанган авыл хуҗалыгы хезмәткәре Раиф Сәмигулла улы Шиһабиев белән очрашу булды.Ул кырык елдан артык авыл хуҗалыгы тармагында эшләгән, күп еллар "Тимершык" колхозын җитәкләгән, нәкъ менә аның җитәкчелегендә хуҗалык Татарстанда иң уңышлыларның берсенә әверелгән. Р.Шиһабиевнең үҗәтлеге, хезмәт сөючәнлеге, таләпчәнлеге һәм кешелеклелеге аңа авыл халкының ышанычын һәм хөрмәтен яуларга ярдәм итте. Ветеран белән очрашуга ,рәхмәт сүзләрен җиткерергә аның җитәкчелегендә күп еллар эшләгән авыл хуҗалыгы хезмәткәрләре җыелды. Истәлекләр дә булды, ветеран хөрмәтенә җырлар яңгырады. Р.Шиһабиев хезмәт еллары, ул еллардагы уңышлар һәм кыенлыклар турында сөйләде, очрашу ахырында оештыручыларга, катнашучыларга рәхмәтен белдерде.

Бигәнәй мәдәният йорты мөдире Фәтхрахманова Дания Гомәр кызы  балалар өчен "Туган ягым" дигән танып белү  викторинасы  үткәрде. Балалар рәхәтләнеп табышмаклар чиштеләр, уеннарда катнаштылар.