Ерак һәм якын космос

2022 елның 13 апреле, чәршәмбе

Эзмә авыл мәдәният йорты һәм Иләбәр китапханәсе хезмәткәрләре Эзмә мәдәният йортында балалар белән «Ерак һәм якын космос» дип исемләнгән викторина уздырдылар. Космос - шундый якын һәм шул ук вакытта ерак.Ул кешеләрне һәрчак җәлеп итә. Йолдызларда нәрсә? Күләме буенча нинди? Йолдызлардан Җир күренәме? Космостан нинди Җир? Галәмдә нинди хайваннар булган? Гагарин очкан корабль ничек атала? Бу һәм башка бик күп сораулар бүгенге викторинада яңгырады. Мондый викториналарның максаты-космонавтлар биографиясенең төп фактлары, күк телләре һәм космик аппаратлар турында кызыклы мәгълүматлар белән танышу. Балалар бик теләп күп сорауларга җавап бирделәр һәм бик күп яңалыклар белделәр.