Кар десанты

2022 елның 8 апреле, җомга

Эзмә мәдәният йортында «Кар десанты» дип исемләнгән патриотик сәгать – күргәзмә үткәрелде. Чара Россия Федерациясе Гимны белән башланып китте. Чара барышында мәдәният йорты хезмәткәрләре һәм Эзмә урта мәктәбенең тарих укытучысы студентлар эзтабарлар отрядының «Кар десанты» экспедицияләре турында сөйләделәр һәм видеороликлар күрсәттеләр. Шулай ук балалар эзтабарлар отрядының Бөек Ватан сугышы вакытында һәлак булган һәм хәбәрсез югалган туганнары, солдатлары өчен бик күп авырлыкларны җиңеп, бик яхшы эш башкаруын белделәр. Чараның икенче өлешендә укучылар әлеге төркем оештырган күргәзмә белән таныштылар.