«Күңелле ял итегез»

2021 елның 26 августы, пәнҗешәмбе

Мишә авыл җирлеге Килдебәк авыл җирлеге белән берлектә Тимыршык авылында балалар катнашында «Күңелле ял итегез» дип исемләнгән концерт оештырдылар. Концерт Туган телләр һәм Халыклар бердәмлеге елына багышланган иде. Күчмә концертлар-ул үзеңне, үз осталыгыны, үз иҗатыңны күрсәтү мөмкинлеге. Ә балалар өчен бу бәһасез тәҗрибә, алар аны мәңгегә истә калдырачак. Концерт искиткеч, дәртле булды. Балалар төрле күңелле биюләр биеделәр, шигырьләр сөйләделәр, уен коралларында уйнадылар, татар җырларын җырладылар, гимнастик биюләр башкардылар. Тамашачылар яшь артистларыбызны көчле алкышларга күмделәр.