Кече һәм Олы Шыңар авылы яшьләре концерты

2021 елның 11 августы, чәршәмбе

8 август көнне Кече Шыңар һәм Олы Шыңар авылының талантлы яшьләре Явлаштау авылында концерт программасы белән чыгыш ясадылар. Бу көнне кичке авыл матур җырларга, шат авазларга күмелде.Быел 15 еллык юбилеен билгеләп үткән студент - яшьләр концерты "Җомга җыены" белән башланып китте. Кичке уенга төшкән шул чордагы яшьләрне хәзерге замана яшьләре белән чагыштырып, элеккеге һәм хәзерге җырларны, төрле стильдәге биюләрне үз эченә алган шаян да, үзенчәлекле дә программа тамашачыларның күңеленә хуш килде, алар безнең белән җырлап утырдылар, алкышларга күмделәр. Ахырдан Явлаштау һәм Шыңар авылы яшьләре гармун моңнарына кушылып рәхәтләнеп җырладылар, биеделәр, киләсе атнада Шыңар авылында  очрашырга сүз куештылар.