" Их, нинди хатын-кызлар! дип аталган кичә

2021 елның 10 марты, чәршәмбе

8 Март-күп хатын-кызларның яраткан бәйрәме. Бу көнне әбиләр, әниләр, дуслар,  һәм кызлар матур котлаулар, теләкләр, бүләкләр, чәчәкләр һәм якыннарының игътибарын кабул итәләр. 6 март көнне Кече Шыңар мәдәният йортында  " Их, нинди хатын-кызлар! дип аталган кичә оештырылды. Чара Олы Шыңар авыл җирлеге башлыгы һәм "Туган як" ҖЧҖ җитәкчесенең котлау сүзләре белән башланып китте. Авыл хатын-кызлары өчен бәйрәм чарасы зур бүләк булды, алар үз адресларына бик күп җылы сүзләр ишеттеләр, кызыклы конкурсларда катнашып, кәефләрен  күтәрделәр. Бәйрәмне үткәрүдә ир-атлар, җанатарлар тарафыннан башкарылган концерт номерлары  мөһим роль уйнады, алар  бәйрәмгә күтәренке кәеф өстәде.