«Кышкы могҗиза» - развлекательные игры для детей
Лесхоз мәдәният йорты, китапханә хезмәткәрләре, Лесхоз бистәсенең «Нургали " мәчете белән берлектә, балалар өчен «Кышкы могҗиза» дип исемләнгән күңел ачу уеннары оештырдылар. Әхмәд хәзрәт барлык кунакларны сәламләде, барысына да уңышлы көн теләде, догалар укыды. Аннары без "бүләк тап" уеныннан башладык. Алдан ук кар көртенә ике бүләк яшерәләр. Һәм балаларга аларны табарга тәкъдим иттеләр. Балалар бу биремне үтәделәр. Киләсе уен - "кар тавы" эстафетасы. Балаларны ике командага бүлделәр, алар анда "кар тавы" кордылар. Бу уенда дуслык җиңде. Аннан соң балаларны өч командага бүлделәр, карга нарат һәм чыршы күркәләрен тараттылар, балалар санаулы секундлар эчендә аларны уңышлы гына җыеп та алдылар. Аннан соң "Куян, пингвин, үгез"эстафетасы булды. Уеннардан соң барысы да мәчеткә керделәр, анда безнең чараны дәвам иттеләр. Әхмәд хәзрәт "Әл-Фатиха" һәм башка сүрәләрне укыды. Балалар чиратлашып догалар укыдылар, моның өчен номерлы билетлар алдылар. Аннары билет номерлары буенча лотерея үткәрелде. Барлык балалар да бүләкләр алдылар. Аннан соң чәй табыны артында чәй эчтеләр һәм бергәләшеп намаз укыдылар. Без чарада катнашучыларның барысы да яңа тәэсирләр һәм белем, физик һәм рухи үсеш алды дип өметләнәбез.