Әниләр көне уңаеннан котлау

27 ноябрь көнне Кече Шыңар мәдәният йорты хезмәткәрләре «Ана даны-Материнская слава» медале белән бүләкләнгән, биш һәм аннан да күбрәк бала тапкан, һәм аларны лаеклы кешеләр итеп тәрбияләгән әниләрне өйләренә барып котладылар. Аларга "Йөрәгең белән җырла, әни" дигән әдәби-музыкаль чыгыш тәкъдим ителде. Әниләр көнендә әниләргә рәхмәт  сүзләре әйтелде,  алар хөрмәтенә матур сүзләр һәм җырлар яңгырады, бүләкләр  тапшырылды.