Халыкара өлкәннәр көне

2020 елның 1 октябре, пәнҗешәмбе

Саба муниципаль районы мәдәният бүлеге җитәкчелеге астында авыл мәдәният йортларында, авыл клубларында халыкара Өлкәннәр көненә багышланган концертлар булып узды. Үзешчән сәнгатьтә катнашучылар вокал номерлары белән чыгыш ясадылар, биюләр башкардылар, шигырьләр сөйләделәр. Бәйрәм хөрмәтенә стена газеталары ясалды. Барлык номерлар да көчле алкышлар белән үрелеп барды. Әбиләр һәм бабайлар рәхәтләнеп ял иттеләр һәм сөенечләр белән өйләренә таралыштылар.