Югары Утар акылга зәгыйфь булган балалар йорты интернатында “Татарстан – Туган ягым” дип исемләнгән асфальтта рәсем ясау шөгыле
24 июль көнне тәрбиячеләр Яруллина Рәмзия һәм Хәбибуллина Г.Р. балалар белән берлектә ТАССР ның 100 еллыгына багышланган асфальтта рәсем ясау шөгеле үткәрделәр.
Максат: балаларда Ватанга мәхәббәт,Татарстан эләменә һәм гербына хөрмәт тәрбияләү.
Бурычлар:
- Туганякка, аның табигатенә мәхәббәт тәрбияләү, аңа сакчыл караш, үз халкың өчен хөрмәт һәм горурлык тәрбияләү;
- Балаларга туган ягыбызның нәрсә икәнен күзалларга;
- Татарстан Республикасы картасы һәм символикасы белән таныштыру.
Рәсем ясау шөгыле баланың көндәлек тормышын кызыклы һәм файдалы итеп оештырырга мөмкинлек бирә. Ә бала, үзен чолгап алган предметларны һәм әйләнә - тирәне яссылыкта сүрәтләп, предметның формасын билгеләргә өйрәнә. Нәтиҗәдә аның күзаллавы үсә, сенсорик тәҗрибәсе байый. Ул үзе ясаган рәсемнәргә карап шатлана, иҗат итәргә өйрәнә.
Асфальтта рәсем ясау – саф һавада уеннар вакытында үткәрелә торган мавыктыргыч шөгыльләрнең берсе.
Шөгыль ахырында һәр бала зур кызыксыну белән тылсымлы акбурлар ярдәмендә ясалган рәсемнәрне күзәттеләр. Балалар бик тырышып үзләренең рәсемнәрен буяганнар иде.