Татарстан аграрийлары 2019 елда 2,5 мең берәмлеккә якын авыл хуҗалыгы техникасы сатып алдылар
Татарстан аграрийлары узган ел 2,5 мең берәмлеккә якын авыл хуҗалыгы техникасы сатып алдылар. Техника сатып алу өчен 6 млрд сум акча бирелде.
Аграрийлар 242 трактор, 162 комбайн, 20 сыер савучы-робот һәм 23 югары җитештерүчәнлекле саву заллары алдылар.
Шуны әйтергә кирәк, авыл хуҗалыгы товар җитештерүчеләре «АПКны техник һәм технологик модернизацияләү» (40х60 схемасы буенча) һәм «1432» программаларыннан, шулай ук «Росагролизинг» ташламалы лизингыннан актив файдаланалар.
2020 елда «АПКны техник һәм технологик модернизацияләү» статьясына сатып алынган техника һәм җайланмаларга чыгымнар өлешен субсидияләү өчен республика бюджетыннан 1,7 млрд. сум каралган.
Программаларда катнашу турындагы тулырак мәгълүматны Татарстан Республикасы Авыл хуҗалыгы һәм азык-төлек министрлыгының АПКны инженер-техник тәэмин итү бүлегендә (843)221-76-59 телефоны аша алырга мөмкин.