Балаларның кышкы каникуллары вакытында үткәрелгән чаралар
Балаларның кышкы каникуллары вакытында Оет авыл клубы китапханә белән берлектә төрле чаралар оештырдылар. 2 гыйнвар көнне "Кышны ясыйбыз" дип исемләнгән рәсем конкурсы үткәрделәр. 3 январь көнне "Кыш килде – күңелле бәйрәм алып килде" дип исемләнгән квест - уен уздырдылар. Уен барышында балаларга станцияләр буйлап күңелле сәяхәт кылырга һәм төрле биремнәр үтәргә туры килде. 4 январь көнне чыршы бәйрәмендә балалар Кыш бабай, Кар Кызы һәм урман җәнлекләре белән чыршы тирәли әйлән-бәйлән уйнадылар, җырладылар, шигырьләр сөйләделәр, уеннарда актив катнаштылар. Бәйрәмнең икенче өлешендә балалар лотереясы үткәрелде.5 январь көнне "Кышкы уеннар"дип исемләнгән күңел ачу программасы уздырылды. Балалар һәм өлкәннәр барысы бергә викторина сорауларына җавап бирделәр, шигырьләр укыдылар, төрле уеннарда һәм конкурсларда катнаштылар.