Татарча көрәш буенча ярышлар

2019 елның 3 декабре, сишәмбе

1 декабрь көнне Кече Шыңар мәдәният йорты спорт залында  вакытсыз арабыздан киткән көрәшче, ТР спорт мастеры, Кече Шыңар авылында туып үскән Гайнанов Салават Хәбир улы истәлегенә багышланган, 2001 елгы һәм яшьрәкләр арасында татарча көрәш буенча ярышлар булып узды. Искә алу тантанасында Татарстан спорт министры урынбасары Шәйхетдинов Х.Х.,  Саба “Олимп” спорт мәктәбе директоры Хисамов Р.Р.; ТР атказанган тренеры Крылов Н.В. катнаштылар. Салаватның әти-әнисе һәм туганнары һәрбер катнашучыга истәлек бүләге тараттылар һәм улларын искә алулары өчен рәхмәтләрен белдерделәр.