Муниципаль районнар Саба муниципаль районы

1 декабрь - Бөтендөнья СПИДка каршы көрәш көне

2019 елның 3 декабре, сишәмбе

1 декабрь - Бөтендөнья сәламәтлек оешмасы игълан иткән Бөтендөнья СПИДка каршы көрәш көне. Бу көн ВИЧ – инфекциясе таралуын һәм ВИЧ – инфекция эпидемиясенең афәтле нәтиҗәләрен киметү өчен, авыру турында халыкның хәбәрдар булырга тиешлеген искәртү көне булып тора. Бу дата ел саен бөтен дөнья җәмәгатьчелеген әлеге авыру турында истән чыгармаска гына түгел, ә бу чирне йөртүче кешеләрне дә түземле булырга чакыра. Һәм, иң мөһиме, планетада яшәүче һәр кеше профилактиканың сәламәтлек өчен көрәштә бик мөһим булуын аңларга тиеш.Сәламәт яшәү рәвешен пропагандалау максатыннан, Эзмә авыл җирлегенең Пүкәл авыл клубында,китапханә белән берлектә, яшүсмерләр өчен "СПИД перед нами" дип исемләнгән тематик әңгәмә узды. Бу чарага фельдшер Гүзәлия Джураева да чакырылган иде. "ВИЧ-инфекциясе – ул, иммунодефицит вирусын (ВИЧ) барлыкка китергән хроник инфекцион авыру. Ул иммун системасын зарарлый һәм тарката торган, икенчел инфекция һәм яман шешләрне барлыкка китерүче иммунитет дефициты синдромы." - дип мәгълүмәт бирде ул яшүсмерләргә.

Тэги: Эзмә авыл җирлеге

Эзмә авыл җирлеге

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

октябрь, 2024 ел

«Алтын куллар»

8 октябрь көнне Ә.Кәримуллин исемендәге район үзәк китапханәсендә «Алтын куллар» клуб берләшмәсенең чираттагы утырышы узды. Әлеге клуб берләшмәсе алтын куллы, бар эшкә дә уңган хатын-кызларны берләштерә. Биредә алар буш вакытларын файдалы итеп уздыралар: яңа һөнәрләр өйрәнәләр, бер-берсе белән аралашалар. Бүгенге утырышта язучы Лилия Закированың “Җылыт мине” дип исемләнгән китабы турында әңгәмә узды.

«Балачак иленә» китап күргәзмәсе

7 октябрь көнне Иштуган авыл китапханәсендә балалар язучысы, шагыйрь, балалар һәм яшүсмерләр әдәбияты өлкәсендә И. и. А.Алиш, Рәшит Бәшәр. Китапханә мөдире балаларга язучының биографиясе һәм иҗат юлының этаплары турында сөйләде. Укучылар балаларны туган телне яратырга өйрәтүче, хезмәт сөючәнлек, ихласлык, хайваннарга һәм табигатькә мәхәббәт тәрбияләүче Рәшит Бәшәр әсәрләре белән таныша алдылар. Шулай ук авторның шигырьләрен кычкырып укулар да булды.

“Дуслар йорты – китапханә”

8 октябрьдә Шәмәрдән авыл һәм балалар китапханәләре «Дуслык» клуб берләшмәсе өчен Кукмара муниципаль районы Ядегәр авыл модель китапханәсенә “Дуслар йорты – китапханә” дигән экскурсия оештырдылар. Китапханә хезмәткәрләре яңа буын китапханәсе буйлап зур экскурсия үткәрделәр һәм модернизация нәтиҗәсендә булган үзгәрешләр турында сөйләделәр. Китапханә буйлап Экскурсия берничә зона буенча узды: «Хезмәт күрсәтү» зонасы, «Балалар зонасы», «Яшьләр зонасы», «Интерактив зона», анда безнең хатын-кызлар төрле уеннар уйнады, танып белү һәм мавыктыргыч китаплар белән танышты. Китапханәдә балалар, яшьләр һәм өлкәннәргә матур әдәбият һәм фәнни китаплар уку, ял итүне файдалы итеп уздыру өчен барлык заманча мөмкинлекләр тудырылган. Китапханә белән танышу бер сулышта узды, барысы да тәэсирләнеп калды.

Олы Арташ авыл клубында Халыкара өлкәннәр көненә багышланган бәйрәм узды

6 октябрь көнне Олы Арташ авыл клубында Халыкара өлкәннәр көненә багышланган бәйрәм үткәрелде.аны Ике басу Арташ мәдәният йортының хезмәткәрләре авыл китапханәсе һәм Өч Нарат авыл клубы белән берлектә үткәрделәр. Чакырылган кунакларга концерт программасы тәкъдим ителде. Котлау сүзе белән Арташ авыл җирлеге башлыгы Рөстәм Илсур улы Мөхәрләмов чыгыш ясады. Бәйрәм кунаклар башкаруында акапель җырлары, биюләр һәм үзләре язган шигырьләрне уку белән үрелеп барды. Чара чәй эчү белән дәвам итте.Чараны оештыруда ярдәм иткәннәре өчен иганәчеләргә:Нырты АХП ҖЧҖ - "Кояш" кибете директоры Дәүләтҗанов Ильяс, "Кояш" кибет хуҗасы Илдус улына Гаяновка, Рәхмәтуллин Айрат Нәгыймулла улына зур рәхмәтебезне белдерәбез.

ЯҢАЛЫКЛАРГА ЯЗЫЛУ

ФОТОРЕПОРТАЖНЫ КАРАУ Фоторепортаж