Килдебәк авыл җирлегендә халыкара өлкәннәр көне
Өлкәннәр декадасы кысаларында, Килдебәк авыл җирлегенә кергән авылларда, мәдәният хезмәткәрләре, өлкәннәр өчен, бәйрәм чаралары оештырдылар. 1 нче октябрьдә, Килдебәк авылы мәдәният йортында, өлкәннәр өчен “ Сез булганга көзләр ямьле” дип аталучы тематик кичә үткәрелде. Бәйрәмгә авылда яшәүче барлык өлкәннәр дә чакырылган иде. Кичәгә килгән өлкәннәрне авыл җирлеге башлыгы Загидуллин Н.Н. котлап үтте. Ә 2 нче октябрьдә, Туктар авылы клубында, мәдәният хезмәткәрләре, чәй табыны әзерләп, авылда яшәүче өлкәннәрне кунак итте. Бәйрәм җыр-биюләр, уеннар белән үрелеп барды. Өлкәннәр үзләренә күрсәтелгән игътибарга сөенделәр, бәйрәмнән бик кәнәгать калдылар.
Шулай ук авыл җирлегендә урнашкан оешма-предприятияләр үзләрендә эшләп лаеклы ялга чыккан өлкәннәрне күчтәнәчләр белән сөендерде.
Бәйрәм чараларын үткәрүдә ярдәм күрсәткән “Юлбат” авыл хуҗалыгы предприятиясенең Килдебәк бригадасына һәм “Лукоз Саба” җәмгыятенә рәхмәтләребезне белдерәбез.