Татарстан Росреестры яңа төзелешләргә ихтыяҗның сизелерлек артуын теркәде
Агымдагы елның май аенда Татарстан Республикасы буенча Росреестр Идарәсе тарафыннан өлешләп катнашу буенча 1318 килешү теркәлгән булса, июнь аенда - 2752! Агымдагы елның алты аенда өлешләп төзүдә катнашу буенча 10 759 килешү теркәлгән, бу узган елның шул ук чоры белән чагыштырганда 23,4% ка күбрәк: ул вакытта беренче яртыеллыкта өлешләп катнашу буенча 8 722 килешү теркәлгән.
Татарстан күчемсез милек базарындагы вәзгыятьне характерлый торган башка күрсәткечләр турында сөйләсәк, ул түбәндәгечә күренә: 2019 ел башыннан Татарстан Росреестры тарафыннан торак биналарны сату-алу буенча 30 373 килешү теркәлгән; 4 682 – торак булмаган бина һәм 18 629 – җир кишәрлеге. Казан буенча бу күрсәткечләр түбәндәгечә: 10 125, 2 125 һәм 4 810. Татарстанда барлыгы 54 208 сату-алу килешүе теркәлгән, Казанда – 17 452.
Ипотека кредиты буенча килешүгә килгәндә, 2019 елның 6 аенда алар 33 702 (Казанда – 13 109), шул исәптән торак урыннарга – 24 051, (Казанда – 9 650); торак булмаган урыннарга – 1 880 (Казанда – 320), җир кишәрлекләренә – 771 (Казанда - 3 139) теркәлгән.