Бәйрәм белән! Экологлар көне белән!

2019 елның 5 июне, чәршәмбе

Кадерле якташлар! Хөрмәтле экологлар, табигать саклау хезмәтләре хезмәткәрләре һәм тармак ветераннары! Сезне чын күңелдән Экологлар көне белән котлыйбыз!

   Районда экологик хәл һәрберебезгә бәйле. Киләчәк буыннар өчен туган табигатьне саклау — безнең уртак бурыч! Бу бәйрәм экология проблемаларына игътибарны җәлеп итү өчен генә түгел, ә белгечләрнең, җәмәгатьчелекнең — әйләнә-тирә мохитне саклауга лаеклы өлеш кертүчеләрнең чын бердәмлеге көне булып торсын.

   Экологларга игелекле хезмәтләре, кирәкле һәм мөһим эшкә - туган якның табигый байлыкларын саклау һәм арттыру эшенә хезмәт итүләре өчен рәхмәт белдерәбез. Чын күңелдән нык сәламәтлек, бәхет, иминлек һәм уңышлар телибез!