Халыкара балаларны яклау көненә багышланган бәйрәм

2019 елның 2 июне, якшәмбе

1 июнь Россиядә, дөньяның күп кенә илләрендәге кебек үк, Халыкара балаларны яклау көне буларак билгеләп үтелә. Бу бәйрәм иң күптәнге халыкара бәйрәмнәрнең берсе булып тора. Бу бәйрәм уңаеннан Сәрдә авыл клубы Сәрдә балалар бакчасы белән берлектә балалар өчен бәйрәм оештырдылар. Балалар рәхәтләнеп күңел ачтылар, шигырьләр сөйләделәр, шулай ук, кашыкка йомырка салып йөгерү, чүлмәк вату, таяк тартыш, кулда көрәш, парлы ярыш һәм башкалар кебек уеннар уйнадылар. Балалар бүләкләр, позитив энергия һәм уңай эмоцияләр алдылар.