Бәйрәм белән! Җирле үзидарә көне белән!
Хөрмәтле җирле үзидарә хезмәткәрләре!
Авыл Советлары гомер-гомергә халыкка иң якын торган хакимият структурасы булды һәм бу киләчәктә дә шулай калачак. Үзләрен борчыган проблемалар, сорау-үтенечләр белән халык, иң беренче чиратта, авыл җирлекләре башлыкларына мөрәҗәгать итә. Җирле үзидарә органнары хезмәткәрләренең район Советы белән тыгыз хезмәттәшлеге нәтиҗәсендә, Сабабызда шактый эшләр башкарыла. Үзара салым буенча кабул ителгән дәүләт программасының районда уңышлы эшләве дә хуплауга лаек. Һәр өлкәдә эшне тиешле дәрәҗәдә оештыру алга таба да сездән тырышлык һәм җаваплылык сорый. Һөнәри бәйрәмегез уңаеннан хезмәткәрләргә һәм ветераннарга ихлас котлау сүзләребезне җиткереп, җирле үзидарә органнарындагы эшчәнлегегездә уңышлар, инициатива, матур башлангычлар, нык сәламәтлек, бәхет телибез.