Килдебәк авыл җирлегендә “Нәүрүз” бәйрәме

2019 елның 29 марты, җомга

24 нче мартта Килдебәк авылында “Нәүрүз” бәйрәме үткәрелде. Беренче эш итеп мәдәният хезмәткәрләре бәйрәмгә килгән халыкны учакта пешкән ботка, кайнар чәй һәм коймак белән сыйладылар. Бәйрәм төрле уеннар һәм бәйгеләр белән дәвам итте. Шулай ук, мини-футбол ярышы да оештырылды. Шулай итеп авыл халкы һәм бәйрәмгә килгән кунаклар бергә күңелле итеп кышны озатып, язны каршы алдылар.

Ә 30 нчы мартта Туктар авылы халкы “Нәүрүз”не бәйрәм итәчәк.

Бәйрәмне оештыруда, үткәрүдә катнашкан һәм ярдәм күрсәткән мәдәният хезмәткәрләренә, мәктәп колективына, “Юлбат” авыл хуҗалыгы предприятиясенең Килдебәк бригадасына, шәһси эшмәкәр Каримуллин Р. К.га рәхмәтләребезне белдерәбез.