Тәлгат Нәҗмиевне искә алу кичәсе

2019 елның 22 марты, җомга

21 нче март көнне Шәмәрдән авыл китапханәсендә Тәлгат Нәҗмиевне искә алу кичәсе узды. Кичәдә Т.Нәҗмиевнең "Изге сәфәр җиңел гамәл түгел" дигән китабын тәкьдир итү булды. Кичәдә үзәкләштерелгән китапханәләр системасы директоры Билалова Ләйсән Рәкыйп кызы, авыл советы башлыгы Гәрәев Айдар Наил улы, Т.Нәҗмиевнең тормыш иптәше Лемара ханым Нәҗмиева, якташ язучыларыбыз Гөлсинә  Галимуллина, Ильмира  Гыймаева, "Саба таңнары" гәҗитенең редакторы Исмәгыйлев Рөстәм Гәбдерәүф улы, Сафиуллин Илсур хәзрәт, хаҗи һәм хаҗияләр,  Тәлгат Самат улын белгән, хөрмәт иткән китапханә кунаклары катнашты. Кичәдә  Т.Нәҗмиевне матур хатирәләр белән искә алдылар.