«Яшә, чишмә!” экологик акциясе

2018 елның 18 октябре, пәнҗешәмбе

   18  октябрь  көнне  Түбән Шытсу  төп  мәктәбе  укучылары  “Яшә , чишмә!”  исеме  астында  экологик  акция  уздырдылар.

  Акциянең  төп  максаты   авылыбыздагы  чишмәләрне  өйрәнү  һәм  аларга  сак  караш  тәрбияләү.

  Укучылар эш  кораллары  алып  чишмәгә  бардылар. Чишмә  янындагы  чүп  үләннәрен  чаптылар, әйләнә-тирәдәге  чүпләрне  җыйдылар, яшь  агачлар  утырттылар.

   Акциядә  укучылар  теләп  катнаштылар. Соңыннан  укучылар  чишмә  суын  өйләренә  алып кайтырга  тутырып  алдылар.

  Мондый  экологик чаралар  балаларны   табигатьне  яратырга,сакларга  өйрәтә.