Байлар Сабасы җирлеге гражданнары җыелышы үтте

2018 елның 21 феврале, чәршәмбе

    2018нче елның 19нчы февралендә район мәдәният йортында Саба шәһәр җирлеге гражданнары җыелышы булып үтте. Көн тәртибенә түбәндәге мәсьәләләр кертелгән иде:

1. Саба шәһәр җирлегенең 2017нче елда башкарган эшләренә отчеты (докладчы – Хәсәнов Расих Мөбәрәкович, Саба шәһәр җирлеге рәисе урынбасары).
2. Саба шәһәр җирлеге буенча кылынган җинаятьләр һәм төрле хокук бозу очраклары турында 2017 нче елга гомуми мәгълүмат (докладчы - өлкән участок вәкаләтлесе Нигъмәтҗанов Илнар Вәкилович).
3. 2018нче елда булган янгын чыгу очраклары һәм янгыннарны булдырмый калу чаралары турында (докладчы – Саба һәм Теләче районнары буенча күзәтчелек эшчәнлеге бүлекчәсе начальнигы Галимуллин Айнур Рифкатович).
4. Коммуналь хезмәтләргә түләү өлкәсендә күзәтелгән яңалыклар турында (докладчы – “Энергосбыт-бердәм түләү үзәге” директоры Миннебаев марат Фәйзрахманович).
5. 2018нче елда үткәрелгән халык җыенында әйтелгән тәкъдимнәрнең үтәлеше турында.
6. Төрлеләр, гаризалар карау, тәкъдимнәр тыңлау.

   Җыелыш республикабызның һәм Саба районының төрле өлкәдә ирешелгән уңышларына багышланган видеоязма карау белән башланып китте. Докладлардан соң, узган елгы җыелышта күтәрелгән мәсьәләләрнең үтәлү-үтәлмәве турында мәгълүмат бирелде.  Аннары гражданнардан төрле эчтәлектәге мөрәҗәгатьләр, гаризалар кабул ителде.