ЯҢАЛЫКЛАР

6 октябрь көнне Олы Арташ авыл клубында Халыкара өлкәннәр көненә багышланган бәйрәм үткәрелде. Аны Ике басу Арташ мәдәният йортының хезмәткәрләре, авыл китапханәсе һәм Өч Нарат авыл клубы белән берлектә үткәрделәр. Чакырылган кунакларга концерт программасы тәкъдим ителде. Котлау сүзе белән Арташ авыл җирлеге башлыгы Рөстәм Илсур улы Мөхәрләмов чыгыш ясады. Бәйрәм кунаклар башкаруында акапель җырлары, биюләр һәм үзләре язган шигырьләрне уку белән үрелеп барды. Чара чәй эчү белән дәвам итте.Чараны оештыруда ярдәм иткәннәре өчен иганәчеләргә:Нырты АХП ҖЧҖ - "Кояш" кибете директоры Дәүләтҗанов Ильяс, "Кояш" кибет хуҗасы  Илдус улы Гаяновка, Рәхмәтуллин Айрат Нәгыймулла улына зур рәхмәтебезне белдерәбез.

1 октябрьдә Өлкәннәр көненә багышланган бәйрәмне билгеләп үтү күркәм традициягә әверелде. Өлкәннәр көне- әти-әниләребез, әби-бабаларыбыз бәйрәме. Бу бәйрәм җәмгыятькә генә түгел, туганнарга да кайгыртучанлык һәм игътибар таләп итүче кешеләрнең янәшәдә яшәвен искә төшерә. Бу көнне уздырыла торган бәйрәм чаралары күңелле ял итәргә, аралашырга, ялгызлыкны җиңәргә мөмкинлек бирә. "Гомер көзләренә ямь өстәп, кайтып килик әле яшьлеккә," - шундый исем астында 2 октябрь көнне Арташ мәдәният йорты,  Ике басу Арташ китапханәсе белән  һәм Өч Нарат авыл клубы белән берлектә, Олы Арташ төп гомуми белем бирү мәктәбе катнашында, музыкаль - тематик кичә үткәрелде! Чара кунаклары үз адресларына чын күңелдән сәламәтлек, озын гомер, яхшы кәеф теләүләрен ишеттеләр. Бәйрәм белән Арташ авыл җирлеге башлыгы Рөстәм Илсур улы Мөхәрләмов котлады. Концерт барышында барысы да, проблемаларын онытып, күңелләре белән ял иттеләр. 

Октябрь башында өлкәннәр көненә багышланган бәйрәмне билгеләп үтү матур традициягә әверелде. 2 октябрь көнне Язлы Арташ авыл клубында Олы Нырты һәм Чабья - Чурчи авыл клублары белән берлектә Өлкәннәр көненә багышланган "Һәр мизгел матур үзенчә"исемле концерты үткәрелде.Чараны алып баручылар барлык авылдашларын бәйрәм белән җылы котладылар. Арташ авыл җирлеге башлыгы Мөхәрләмов Рөстәм Илсур улы кунакларга ныклы сәламәтлек, озын гомер һәм тыныч күк йөзе теләде. Иң яхшы концерт номерлары кунаклар өчен күңелле бүләк булды. Матур җырлар кәефне күтәреп кенә калмады, яшьлек елларына да кайтардылар. Чәй эчкәндә алар рәхәтләнеп аралаштылар, яшь чакларын искә төшерделәр. Бәйрәм атмосферасы беркемне дә битараф калдырмады. Кичә авылдашлар белән очрашырга һәм бер-берсе белән яхшы кәеф белән уртаклашырга менә дигән сәбәп булды.

Арташ авыл җирлегендә алтын юбилярлар – Мөхәммәтҗанов Баязит Мөхәммәтҗан улы һәм Мөхәммәтҗанова Флүрә Вәгыйз кызы. Аларны бергә яшәүнең шушы искиткеч даталары белән котлыйбыз. Аларга сәламәтлек, бәхет һәм иминлек телибез!

Ике басу Арташ “Кубәләк” балалар бакчасында Өлкәннәр көненә карата бәйрәм чарасы үткәрелде. Хөрмәтле әбиләребез, өлкән хезмәттәшләребез, сезне шушы олуг бәйрәмегез белән чын күнелдән котлыйбыз.  

Арташ авыл җирлеге башлыгы  җирлеккә күчеп кайткан, оешмалары ябылган һәм авыл җирлеге пенсионерларын Халыкара өлкәннәр көне белән котлады һәм аларга азык-төлек пакетлары тапшырды.

Өлкәннәр көне уңаеннан Олы Арташ төп гомуми белем бирү мәктәбе директоры Гайбадуллин Илнур Бакый улы, шушы мәктәптә эшләп, лаеклы ялга чыккан хөрмәтле кешеләребезне бәйрәм белән котлады. Аларга алга таба да саулык-сәламәтлек, бәхетле озын гомер телибез.

Өлкәннәр көне уңаеннан Олы Арташ «Карлыгач» балалар бакчасы шушы бакчада эшләп чыккан өлкәннәрне котлап,бүләкләр тапшырып кайттылар.

“Экстремизмга - Юк!” айлыгы кысаларында  Олы Арташ балалар бакчасында  “Спорт экстремизмга каршы” исеме астында спорт чарасы үткәрелде. Чараның максаты - сәламәт яшәү рәвешен һәм конфликтсыз тәртип культурасын пропагандалау.

Җаваплылыгы чикләнгән “Нырты” авыл хуҗалыгы җәмгыятендә кыр эшләре дәвам итә. Хәзерге вакытта туңга сөрү эшләре башкарыла.