ЯҢАЛЫКЛАР
28-нче июнь көнне «Сәләт» лагеренең II сменасы ачылды. Ачылу тантанасында Саба районы башлыгы Миңнеханов Рәис Нургали улы та катнашты.
Территорияне төзекләндерү - ул участокта кеше эшчәнлеге өчен уңайлы һәм кызыклы мөхит формалаштырырга тиешле чараларның бердәмлеге. Төзекләндерү аның функциональлеген, экологик халәтен һәм тышкы кыяфәтен яхшырту максатында участокны үзгәртеп кору буенча эшләрне үз эченә ала.
Быел, 2019 елда, Иске Икшермә авыл җирлегендә административ бина төзи башладылар. Бүгенге көндә бина төзелеше тулы куәтенә бара: тышкы төзелеш эшләре тәмамланып, бары тик эчке бизәкләү эшләре генә кала.
8 июнь көнне Иске Икшермә авыл җирлегендә Сабантуй гөрләде. Халык чын күңелдән бәйгеләрдә катнашты, биеде, җырлады. Сабантуйга җырчы Аиша, Миндияр Шаймарданов килгәннәр иде. Бәйрәмнең төп өлеше көрәш, быел батыр булып Теләче егете Калимуллин Ренас калды, батыр асты - Икшермә егете Шакиров Инсаф.
Иске Икшермә авыл җирлегендә татар халкының милли бәйрәме "Сабантуй"га әзерлек бара. Бәйрәм үткәреләсе мәйдан чистартылды, җиһазлар, колгалар урнаштырыла. Шулай ук "Сабантуй" бәйрәменең бер өлеше булып торган "Бирнә җыю" йоласыда күңелле генә үткәрелде. Бәйрәмгә яхшы кәеф, матур көннәр теләп калабыз! Барыгызны "Сабантуй"га кунакка чакырабыз!
25 май 2019 ел – Татарстанның Лаеш районы Никольское авылында XXVII Бөтенроссия рус фольклоры фестивале “Каравон” үткәрелде. “Каравон” – ул зур гореф-гадәтләрне саклый һәм үстерүгә хезмәт итә торган фестиваль. Бу бәйрәм рус халкының күңел көзгесе булып тора. Елдан ел фестивальгә булган игътибар, катнашучы коллективлар, тамашачылар саны арта бара. “Каравон” бәйгесендә Иске Икшермә мәдәният йортыннан “Сударушки” ансамбле, Татар Икшермәсе мәдәният йортыннан “Нур” ансамбле катнашып диплом белән бүләкләнделәр.
2019 елның 19 маенда Иске Икшермә авыл җирлеге территориясендә Лесхоз селекция-орлыкчылык үзәге агачлар утыртты.
Иске Икшермә авыл җирлеге торак пунктларында төзекләндерү елдан-ел яхшыра. Иске Икшермә авылында буа, чишмә һәм яр буе төзелеше дәвам итә. Авыл халкы яр буен яратты һәм чишмәгә бик теләп йөриләр.
8 май көнне Иске Икшермә авылы җирлегенә керүче авылларда Бөек Ватан Сугышында Җиңүнең 73-еллыгына багышланган парад узды. Әлеге парадта районның Башкарма комитеты башлыгы Марат Рәшит улы, Иске Икшермә җирлеге башлыгы Нияз Наил улы, КФХ “Мухаметшин З.З.” башлыгы Зөфәр Зиннәт улы, ветераннар союзы рәисе Илдус Усман улы, ветеран Нурислам Фархулла улы, Байкиев К.С. исемендәге Икшермә кадет интернат мәктәбе, Икшермә балалар бакчасы “Кояшкай”, авыл клублары катнашып котлауларын җиткерделәр.
29 апрель көнне Иске Икшермә авылында район башлыгы - Миңнеханов Рәис Нургали улы катнашында буа ачу тантанасы булды.