Информационно – правовой час «Мои права и обязанности»

Аулак ой-корэш

Хөснуллин Гасим Хөснулла улы  1934 елның 28 октябрендә Түбән Шытсу авылында дөньяга килә.  Гасим абыйның бала чагы авыр сугыш елларына туры килә, күп авырлыклар, ятимлек күреп үсә ул. Гасим абый 1950-1953 елларда Саба районы Илшат колхозында хисапчы булып эшли башлый. 1953-1956 елларда Совет Армиясе сафларында хезмәт итә. 1956-1959 елларда шул ук колхозда гади колхозчы. 1960-1965 елларда Саба районы “1-Май” колхозында ферма мөдире. 1965-1968 елларда шул ук колхозда техника буенча хисапчы. 1968-1973 елларда зоотехник-селекционер. 1969 елда читтән торып  зоотехник белеме буенча  Минзәлә совхоз техникумын тәмамлый. 1973 елның 20 июнендә аны хезмәт ияләре депутатларының Түбән Шытсу авыл Советы башкарма комитеты председателе итеп сайлыйлар. Хезмәттә бик тырыш, тынгысыз була. 1976 елда ,авыл Советына җиткерелгән планнарны арттырып үтәгән өчен, аны район мактау тактасына кертәләр. 1977 елның  7 июлендә аны “1-Май” колхозы  КПСС башлангыч оешмасы секретаре булып сайлана, ул бу хезмәттә 1990 елга кадәр хезмәт куя. 1991-1995 елларда  колхоз рәисенең терлек азыгы әзерләү буенча урынбасары булып эшли. 1995 елдан лаеклы ялда.        Эшләү дәверендә Гасим Хөснулла улы эш сөючән, тырыш, гадел, оештыру сәләтенә ия булган җитәкче була. Күп тапкырлар авыл Советы депутаты булып сайлана.         Авыл хуҗалыгында күпьеллык һәм нәтиҗәле хезмәте өчен  29.08.1986 елда Гасим абый “Хезмәт батырлыгы” медале белән бүләкләнә. 29.12.1989 елдан - “Хезмәт ветераны” исемен йөртә.       Гасим абый тормыш иптәше Фирая апа белән   1 ул тәрбияләп үстерәләр. Аларның -3 оныгы, 4 оныкчыклары бар.       Бүгенге көндә Гасим абый тормыш иптәше Фирая апа белән  Түбән Шытсу авылында улы Васил, килене Рушания тәрбиясендә гомер кичерә.          Киң күнелле, ярдәмчел Гасим абый күршеләренә һәм авылдашларына гел игелек кылып яши, шуна  күрә аны  авылдашлар бик  хөрмәт итә.

В с.Нижние Шитцы продолжается строительство жилых домов по государственной программе "Комплексное развитие сельских терриории." На сегодняшний день выполняются внутриотделочные работы. Подрядная огранизация ООО "ПМК-159".

Галиахметова Хәдия Габдулла  кызы 1934 елның  16 октябрендә Саба районы Югары Шытсу авылында  дөньяга килә. Хәдия апаның бала чагы авыр сугыш елларына туры килә, күп авырлыклар күреп үсә ул. 1959 елда Югары Шытсу  авылы егете Моктасим  абыйга  кияүгә чыга. Аш-суга, кул эшләренә уңган килен була Хәдия  апа.       Моктасим абый белән алар бик тәртипле  4 кыз устергәннәр. Бүгенге көндә балалары тормышта үз урыннарын табып, төрле тармакларда тырышып хезмәт куялар.          Хәдия  апа бала чагыннан зурларга ияреп колхоз басуына чүп утарга  йөргәннәрен хәзер дә искә алып сөйли. Гомер буе“Беренче Май”колхозында төрле эшләрдә, соңрак терлекчелектә эшләп лаеклы ялга чыккан.        Хәдия апаның бүгенге көндә 8 оныгы, 5 оныкчыгы бар. Хәзерге вакытта  ул Югары Шытсу авылында  кызлары, кияүләре, оныклары тәрбиясендә гомер итә.          Күршеләр һәм авылдашлар белән яхшы мөгәлләмәдә, шуна  күрә Хәдия апаны  авылдашлары бик  хөрмәт итә.              Без Хәдия апага   балаларының, оныкларының, оныкчыкларының игелеген күреп, бәхетле картлык кичерүен телибез.