ЯҢАЛЫКЛАР


14
октябрь 2019 ел.
дүшәмбе

   14 октябрь көнне Мингәр авыл китапханәсе «День лермонтовской поэзии в библиотеке» акциясендә катнашты. Башлангыч мәктәп укучылары «Лермонтовские строки» дип исемләнгән кычкырып укуда  катнаштылар. Китапханәче шагыйрьнең  тормыш юлы һәм иҗаты белән таныштырды. Укучылар ,  күргәзмәдә урын алган «Парус», «Утес», «Тучи» һәм «Бородино» шигырьләрен укыдылар.

Тэги: Саба район үзәк китапханәсе

Хөрмәтле укучыларыбыз! 3-20 октябрь көннәрендә (вакыты үзгәртелде) 2020 елның беренче яртыеллыгына “Саба таңнары”нә почта элемтәсе бүлекләре аша ташламалы бәядән 655 сум 56 тиенгә сумга язылырга мөмкин. Ташламалы язылу ункөнлегенә туры килүе дә очраклы гына түгел: газетабызны үз итүчеләр арасында өлкән буын вәкилләре күп. Шуңа күрә өлкән яшьтәгеләргә нәрсә бүләк итик дип аптырамагыз: газетага яздырыгыз. Шул очракта газетабыз атна саен якын кешегезгә бүләк булып килер. Алдагы елда да бездән аерылмагыз, дуслар!

Хәзерге  вакытта  Россиядә  эчке һәм тышкы  базарларга  чыгару  максатында  якланган “яшел  продукция” брендын  булдыру  буенча  эш  алып  барыла.   Үз продукциясенең  һәм аны  җитештерүнең  тиешле  таләпләргә  туры  килүен  раслаучы  авыл  хуҗалыгы  җитештерүчеләре   төргәктә  бердәм  үрнәктәге махсус тамга  кую  хокукын  алачаклар.

14 октябрь көнне Шәмәрдән авыл балалар китапханәсе «День лермонтовской поэзии в библиотеке» дип исемләнгән VII Төбәкара акция кысаларында Шәмәрдән лицееның 2в сыйныф укучылары өчен (сыйн. җитәкчесе Байгузина Г.Ю.) «Герой своего времени» дип исемләнгән әдәби укулар үткәрде.

 Китапханәче Зарипова И.Х. укучыларны бөек рус шагыйре Михаил Юрьевич Лермонтовның тормыш юлы һәм иҗаты белән таныштырды. Чара барышында укучылар шагыйрьнең «Осень», «Парус», «Тучи», «Утес», «Листок», «Весна» кебек шигырьләрен укыдылар. Чара азагында шагыйрьнең гаиләсе, тормыш юлы һәм иҗаты турында электрон презентация күрсәтелде.

 

Тэги: Саба район үзәк китапханәсе

12 октябрьдә Мәскәүдә “Алтын  көз - 2019” агросәнәгать   күргәзмәсе  эше  кысаларында  Татарстан  Республикасы Авыл хуҗалыгы  һәм азык-төлек  министрлыгы нәсел  һәм  товар  терлекчелеге  өлкәсендәге  казанышлары  өчен  алтын  бүләк  алды. Шулай  ук  татар  атлары  да  аерым  бүләкләргә  ия  булдылар.    Ике  кола  айгыр да алтын  бүләк  алдылар.  

14 октябрь көнне Шекше төп гомумбелем бирү мәктәбенең беренче сыйныф укучылары укытучылары белән Шекше китапханәсендә экскурсия булдылар. Китапханәче балаларга «уку залы», «абонемент», «китап фонды», «китап уку формуляры» ның нәрсә икәнен сөйләде һәм барлык кунакларны авыл китапханәсенең актив укучылары булырга чакырды. Балалар китапханәчене игътибар белән тыңладылар, аннан соң үзләренә ошаган китапны сайлап, иллюстрацияләр карадылар һәм шигырьләр укыдылар.

Тэги: Саба район үзәк китапханәсе

11 нче октябрь район балалар китапханәсе “Любознайки” клуб берләшмәсе өчен  төрле әкият геройларына багышланган  “Әкияти кроссворд”, “Сүзләр төзе” уеннарын оештырдылар. Шулай ук китапханәчеләр сәяси репрессия корбаннарын искә алу көне уңаеннан ясалган “Ялкынлы еллар истәлеге” дип исемләнгән китап күргәзмәсенә күзәтү ясадылар.

Тэги: Саба район үзәк китапханәсе

Районыбызда 11 нче октябрьдән  әти-әниләр комитетлары өчен “Тату сыйныф серләре” дип аталган бәйгенең муниципаль этабы башланып китте.

Тэги: Мәгариф идарәсе

14 октябрь көнне Т.Нәҗмиев исемендәге Шәмәрдән авыл китапханәсе «День лермонтовской поэзии в библиотеке» дип исемләнгән VII Төбәкара акция кысаларында Шәмәрдән лицееның 6б сыйныф укучылары өчен (сыйн. җитәкчесе Владимирова Л. М.) «Смело верь тому, что вечно» дип исемләнгән әдәби укулар үткәрде. Китапханәче Мухаметзянова Л.Д. укучыларны бөек рус шагыйре, прозаик, драматург Михаил Юрьевич Лермонтовның тормыш юлы һәм иҗаты белән таныштырды. Чара барышында укучылар шагыйрьнең «Осень», «Парус», «Тучи», «Утес», «Из Гете», «Листок», «Весна», «На севере диком стоит одиноко». кебек шигырьләрен укыдылар. Чара шагыйрьнең тормыш юлы һәм иҗатының иң мөһим вакыйгалары турында электрон презентация белән үрелеп барды.

Тэги: Саба район үзәк китапханәсе

2019 елның 12 октябрендә МБУ "Спорт комплекс" та Җәйге ГТО фестиваленең II (зона) этабы узды, анда Саба, Арча һәм Балтач районнары командалары катнашты.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования