ЯҢАЛЫКЛАР


16
август 2019 ел.
җомга

15 август көнне Иске Икшермә авыл китапханәсендә татар халкының бөек шагыйре Муса Җәлилгә багышланган шигърият сәгате үткәрелде. Китапханәче балаларны шагыйрънең тормышы һәм иҗаты белән таныштырды. Балалар шулай ук М. Җәлил биографиясе белән таныштылар, аның фаҗигале язмышы,әсирлеккә язылган шигырьләренең Россиягә ничек эләгүе турында белделәр. Соңыннан китапханәче балаларга татар һәм рус телләрендә берничә шигырь укыды. Муса Җәлил турындагы истәлек безнең йөрәкләрдә мәңге сакланыр.

Тэги: Саба район үзәк китапханәсе

15 август көнне Олы Шыңар авыл китапханәсендә "Ак калфак" клубының чираттагы утырышы булып узды. Әңгәмәбез шагыйрә Илсөяр Иксанова иҗатына багышланган иде. Шагыйрәнең тормыш юлы белән танышканнан соң, аның шигырьләрен укыдык, анализладык. Шулай ук, И.Иксанова шигыренә язылган җырлар тыңладык һәм фикер алыштык.

Тэги: Саба район үзәк китапханәсе

Әкият геройлары безгә балачактан ук таныш. Әкият – ул мәрхәмәтле дус, аның белән игелек һәрчак явызлыкны җиңә торган тылсымлы сәяхәткә барырга була. 15 август көнне Кызыл Мишә мәдәният йорты һәм китапханә хезмәткәрләре тарафыннан «Яраткан әкият геройлары»дип исемләнгән рәсем конкурсы үткәрелде. Китапханәче Гөлнәзирә Әүхәдиева балаларны китапханәгә кайткан яңа китаплар белән таныштырды. Яраткан китап битләрен актарып,  балалар гаҗәеп могҗизалы һәм маҗаралы әкият дөньясына килеп эләктеләр.  Барлык балалар да конкурста катнашырга һәм үзләренең яраткан геройларын ясарга ризалаштылар. Алар ясаган рәсемнәр кызыклы һәм матур килеп чыкты. Яшь рәссамнар һәм китап укучылар безгә бик теләп үзләренең рәсемнәрен бүләк иттеләр, ә без аларны татлы призлар белән сыйладык.

Тэги: Саба район үзәк китапханәсе

15
август 2019 ел.
пәнҗешәмбе

14 август көнне Тимершык мәдәният йорты һәм китапханә хезмәткәрләре 1-3 сыйныф укучылары өчен «Театр,без кайда уйныйбыз" дип исемләнгән танып-белү сәгате үткәрделәр.

Китапханә мөдире Сибагатова Ф.и. Театрның барлыкка килү тарихы, Борынгы сәнгатьнең ничек барлыкка килүе турында сөйләде. Балалар театр терминнарын үзләштерделәр, Театр һөнәрләре белән таныштылар.Аннан соң слайд-презентация күрсәттеләр.

 "Театр подмосткаларында» китап күргәзмәсе янында китапханә мөдире әдәбиятка күзәтү үткәрде.

Тэги: Саба район үзәк китапханәсе

15 август көнне китапханәче Мостафина Г.  клубы ветераннарына 22 августтан 27 августка кадәр Казанда узачак 45нче дөнья чемпионатына багышланган «WorldSkills - Kaзан 2019» -танып-белү сәгате уздырды. Эшче һөнәрләр төре буенча әңгәмә корылды, презентация һәм видеоязма күрсәтелде.

Тэги: Саба район үзәк китапханәсе

14
август 2019 ел.
чәршәмбе

13 август көнне район китапханәсендә күренекле якташыбызга багышланган   “Мәңгелек Әлмәндәр!” – драма актёры, ТАССР, РСФСР, СССРның халык артисты. Г.Тукай исем. һәм РСФСРның К.С. Станиславский исем. дәүләт бүләкләре лауреаты  Биктимеров Шәүкәт Хәсән улы  иҗаты белән таныштыру акциясе уздырылды. Көн дәвамында  аның иҗатына багышланган күргәзмәгә күзәтү, викторина  үткәрелде.  Китапханәче Гөлнара Мостафина Г. Тукайның “Театр” шигырен сәнгатьле итеп укыды.

Тэги: Саба район үзәк китапханәсе

12
август 2019 ел.
дүшәмбе

Саба төбәге - тарихи районнарның берсе .
Байлар Сабасы авылы 1924 елдан 1930 елга чаклы волость үзәге булып тора. Бөтенсоюз Үзәк Башкарма Комитетының (ВЦИК) шул елның 10 августындагы карары нигезендә, Татарстанда оештырылган утыз өч район исәбендә  безнең район да төзелә. Ул, Мамадыш, Әбде, Теләче, Чүриле волостьларын эченә алып, 114 авылны, 8 пүчинкәне, 79 авыл Советын берләштерә. 
 10 август көнне  районыбызның Байлар Сабаның  туган  көне  уңайдан Олы Нырты авыл китапханәсе  мәдәният йорты белән берлектә  китапханәдә  "Әдәби туган як "  дигән  китап күргәзмәсе  оештырылды , китап укучыларга күзәтү ясалды  һәм балалар  белән"Сабам минем - гүзәл ягым " стенгазета чыгарылды , кич белән әдәби - музыкаль чара уздырылды, дискотека белән тәмамланды.

Тэги: Саба район үзәк китапханәсе

Балаларда китапка кызыксыну уяту ,мәхәббәт тәрбияләү максатыннан Оет авыл китапханәсе Шыңар авылы "Әллүки" балалар бакчасында "Китаплар иленә сәяхәт"- әдәби сәгать үткәрде.Китапханәче балаларны яңа китаплар белән таныштырды."Дүрт дус"әкияте  кычкырып укылды,"Төлке белән торна "әкияте сәхнәләштерелде

Тэги: Саба район үзәк китапханәсе

9 август көнне Тимершык мәдәният йортында китапханә белән берлектә балалар өчен «Россияда беренче император»дигән темага танып-белү сәгате үткәрелде. Презентация ярдәмендә китапханәче Петр I эшчәнлеге турында мәгълүмат бирде, Россия үсешендә прогрессив роль, тормыштан кызыклы фактлар күрсәтте. Әңгәмәне хуплап, балалар тарих эшлеклесенең гамәлләренә әхлакый бәя бирделәр һәм аның илдәге үзгәрешләре турында фикер алыштылар. "Император Петр I»видеоролигын карадылар. Дәрес ахырында балалар сорауларга җавап бирделәр, шулай ук әңгәмә үткәрделәр.

Тэги: Саба район үзәк китапханәсе

Әкиятләрне барлык балалар да ярата: алардагы тылсым һәм маҗаралар мавыктыра, күңелне ача һәм яхшылыкка, гаделлекә өйрәтә. Һәм, әлбәттә инде, җәйге каникуллар вакытында әкиятләрдән башка булмый. 10 август көнне Килдебәк авыл китапханәчесе мәдәният йорты белән берлектә “Сказочная карусель” дип исемләнгән әдәби сәяхәт үткәрделәр, чарада яңа әкиятләр белән таныштылар, иске әкиятләрне искә төшерделәр, бик күп яңа һәм кызыклы мәгълүматләр белделәр. Балалар язучыларының әкиятләрен укыдылар, әлбәттә инде, рус-татар халык әкиятләрен искә төшерделәр, чөнки нәкъ менә алардан баланың матур әдәбият белән танышуы башлана. Балалар шулай ук әкият викторинасында бик теләп катнаштылар һәм әкиятләрне яхшы белүләрен күрсәттеләр, әкиятләр иле-иң гаҗәеп һәм могҗизалы ил. Чара бик күңелле һәм мавыктыргыч үтте. Барлык катнашучылар да призлар белән бүләкләнде

 

Тэги: Саба район үзәк китапханәсе

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования