Килдебәк авыл мәдәният йортында "Созвездие - Йолдызлык"
2020 елның 24 гыйнварында Килдебәк авыл мәдәният йортында «Созвездие-Йолдызлык-Саба 2020» эстрада сәнгате район фестиваленең сайлап алу туры узды. Балалар "Вокал", "Вокаль ансамбльләр", "Хореография" һәм "Конферансье" номинацияләрендә осталыкларын күрсәттеләр. Яшь артистларны хөрмәтле жюри-Саба район мәдәният йорты белгечләре Э.И.Нурисламова, А.Н.Зарипова бәяләде. Һәр катнашучы үзенең җитәкчесе белән бергә, "Йолдызлык" ка тырышып әзерләнде һәм тамашачыларның көчле алкышларына лаек булды. "Созвездие-Йолдызлык" - ел саен меңләгән талантлы балаларны җыйган республиканың иң популяр конкурсы. Бу фестиваль күп кенә балаларга эстрада сәнгатенең төрле жанрларында үз көчләрен сынап карау мөмкинлеген бирде. "Созвездие – Йолдызлык – Саба – 2020" эстрада сәнгате фестиваленең әлеге этабында Килдебәк авыл мәдәният йорты хезмәткәрләре, Саба район мәдәният йорты белгечләре, шулай ук башка авыл мәдәният йортлары хезмәткәрләре һәм клублары катнашты.