«Бер яшьлектә, бер картлыкта» тематик кичә

2019 елның 11 октябре, җомга

9 октябрь көнне, Оет авыл китапханәсе һәм мәдәният йорты,  “Ак калфак”, “Зөбәрҗәт” фольклор коллективына йөрүчеләр белән берлектә, өлкәннәрнең ялын оештыру максатыннан,«Бер яшьлектә, бер картлыкта» исемле тематик кичә үткәрделәр. Чара барышында өлкәннәребез яшь вакытта җырлаган җырларын җырладылар, җырлы – биюле уеннар уйнадылар. Өлкәннәребезнең яшьлек елларын искә төшереп, хәтирәләрен яңарту максатыннан, ретро күргәзмә оештырылды. Өлкәннәребез рәхәтләнеп ял иттеләр һәм бәйрәмнән күтәренке рухта таралыштылар.